ع الـبـرج
جربت تعيش الليـل سهـران
خايف مـن جرحك ودموعك
تايه ف ظـــنونك حــــيران
علشـان حبيـته وبيخــونك
جــربت تســـامح وتعـــدي
وتقــول للأحــــزان هــــأو
وتروح على بكره وماتهدي
وتطــيب أوقـاتـك تحــــلو
جربـت تعـدي مـن الكسره
وتـطير وترفـرف بجناحـك
ويموتوا الحساد م الحسره
ويشوفوا ف وشك أفراحك
جـربـت تـنـاغــش أيامــــك
وتغمــــــض عيــنك وتـنـام
وان جالك هـم ف أحلامك
هايعــدي بأحــــزانه قــوام
جــربــت تـدور ع الفـــرحه
وترســم عـلى وشـك نورك
والضحكه الحلوه الـسـارحه
عـلى خـدك ترمـي زهـورك
جربت تطبطب على روحك
لو جاروا عليها البني آدمين
وتداري الدمعه مع جروحك
وتبان ف عيون الخلق متين
جـربـت تـروح العـصـــريـه
ع التـرعـه وتـفـرد مـنديلك
وخــيالك يلعـــب ع المــيه
والساقـيه الدايـره تغنـــيلك
جـربت تكـون فـرد حـمام
بيـــنـادي وليــفــه بحـنـيه
ع الـبرج وتـحـلى الأنـغـام
وغــنـاهــم يمــــلى البنـيه
جـربـت تفـــــوت وتسـامح
وترش الفرح على المخاليق
وتقـــول للـفـعـل الجــارح
يرحـــل ويفــــك الضـــيق
تابعونا على صفحة الفيس بوك.
