كتب حنان محمد
طعم الوجع
فى ناس ف الحزن
محبوسه
تعد العمر بالثانيه ..
وناس بالدنيا مهوسه
ولا بتهتم بالثانيه ..
وبين الثانيه والثانيه ..
قلوب عشمانه ف
الثانيه …
ايام. .. زمان ..لما اندفن زهرة شباب
فوق أرض بور …
مدت جدور الصبا
طرحت ندى وزهور..
طلت صبية قمر
تشبه بنات الحور …
طب بس ليه الذكرى
تااااهت ف المدى
والفجر ليه بقى يصحى
دايما ع الدموع ….
والقلب ليه فايض وجع
والضحكة مش ناويه
الرجوع …
ويا دنيا ليه دمعتى فى جنة الحواديت …
منا كنت أنا وحدتى بنونس العفاريت …
وملامح الاحزان اجمل
تليق بيا..
ملامحى زي البشر
والأصل جنيه …
طعم الوجع ف الروح
بيتغزل اشعار …
احزان ورا احزان تشعل
ضلوعى نااار….
وساعات بتفرقنا الدنيا..
وتقرب منا قلوب عاميه ..
لو تسمحى لى تانى يا دنيا
انا نفسي ارجع
طفله بتتعايىء بفيونكه
ماشيه بضفايرها
بتدلع …
انا نفسي المح طيبة امى
والقلب بيعمل لى
وساده …
نفسى انده على خالى وعمى
وأبويا..
وضحكة كانت عادة ..
كان أكبر حمل على
كتافى
كراسه وشنطه وكوبايه …
وانا رايحه يدوبك مدرستى
وألمح طيفك يمشي ورايا ..
فجأة ومن غير ما احسب
عمري..
على البعد لقيته عدى
بيجري ..
والطفلة الحلوة ام ضفاير
صبحت بتلملم ف سنينها
وترصص فيهم
وبحرفه ..
وف عز عذابها
وتدميرها
مالقتش ف يوم
حد سندها
ولا حد ف يوم
شايل عنها ..
وانشق سواد الليل طلع
سحابات بتذود
ف جروحها …
والقلب الاخضر
بقى ناشف
والشوك بيقطع
ف ضلوعها …
والعمر اهو راح
وماهوش راجع !
والليل بيجمع
مخاوفها ؛
وبيجمع مين !! !!!
بيقولوا الليل
ويا الوحدة مليان شياطين !!,!!
وانا نفسى ف حضن
امى وأبويا لو حتى يومين !!
وساعات الصبر يفيض بيا
بلقانى هناك …
م الدنيا اشكيلهم واحكيلهم
عن ظلم كبير …
عن حزن غلبت اداريه
يابا
طب هاحكى لمين !!
معقوله سكوتك هيطول !!!!
طب هشكى لمين !!
طب مين هيطبطب
على قلبي …وانا كلى انين
من يومها بلملم احزانى
…من يومها بفتش
على قلبك
وبقول مش ممكن تنسانى !!
بستنى نهار يطلع يابا ..
ويرشوا المسك على اكفاني
واتلف فى توب ابيض
ف ابيض ..
واتزف واجيلك من تانى …
واودع دنيا كانت قاسيه
وانساها وبحلم تنسانى ..
.
