كتب حنان محمد
اسمعيني
طب اسمعيني
ردا على كل الكلام
هبدا كلامي بالسلام
يالي أنتي عايشه دور ضحيه
قلبي أنا المجني عليه
واخدت دور ف المسرحيه
كومبارس أيوه مفيش كلام
ضحيت بأسمي على الافيش
رغم أنك أنتي متساويش
هسيبلك الدور بالفيه
خدي البطوله من سكات
يا نجمه وليكي معجبين
بكرة الزمان هيعلمك
يديكي درس يفكرك
ساعتها نجمك ينطفي
ما تلاقي حد يعبرك
وتحني للحلم الجميل
ساعتها قلبك ليه يميل
هيكون خلاص فات الوان
والقلب عجز من زمان
ولا كف هيطبط كمان
والحب كرمش م الوجع
والنبض ف الشريان يموت
وكله من عمرك يفوت
خليكي ف الوسط الكئيب
ضيعتي ليه ورد الربيع
يلا أجمعي ورق الخريف
يا نجمه عايشه ف السما.
