كتب مصطفى شوقي
عثر أيمن عبدالحكيم، ابن قرية الجمالية، على الحقيبة في محيط مقر عمله بكافتيريا في الكمين الشمالي لمدينة الغردقة، حيث يعمل موظفا مدنيا بمديرية أمن البحر الأحمر
ايمن موظف بسيط من محافظة البحر الأحمر، اليوم كان موجود بالصدفة في كافيتريا لاحظ وجود شنطة على ترابيزة مفيش حد قاعد عليها، الراجل
بحث بداخل الشنطه ووجد بداخلها 2 مليون دولار، بالمصري في حدود 38 مليون جنيه، وكان معاهم مشغولات ذهبية قيمتها حوالي 400 ألف جنيه.
الموظف المحترم البسيط ابن الأصول ده، مقلش أخبيها، ولا من شاف ولا من دري، ولا قال أبقى باشا واتمتع بالفلوس ولا حد عارف دي بتاعت مين.. لأ.. الراجل المحترم ده راح بالشنطة وبالفلوس لظابط واقف في كمين جمب الكافيتريا قاله يافندم أنا لقيت الشنطة دي وفيها الفلوس دي.
قام الظابط المتواجد في الكمين بالتحرى عن الاشخاص في الكافيتريا ليعيدلهم اموالهم
واكتشف إنها عربية جمرك يقودها اتنين خليجيين وبصحبتهم امراه ، اتصل بالأكمنة المرورية يخبرهم بضروره ايقاف السيارة واعطاهم لونها وتفاصيل الاشخاض
.
وبالفعل كمين رأس غارب اوقف العربية واخبر مستقليها
ان زملائه فى الكمين السابق عثروا على شنطتهم ، وعادوا وحصلوا على اموالهم ، واخبروا المحافظ ومدير الأمن
برغبتهم فى تكريم المحترمين من ابناء محافظته على أمانتهم ومكافئتهم
المحافظ ومدير الأمن كرموا الموظف المحترم ده، اللي صمم يرفض أي مكافأة مالية، واخبرهم انه يقوم بواجبه ودي الأمانة اللي اتربيت عليها.
