كتب حنان محمد
اختبار
في ناس زمان سابونا ومشيوا بس الحقيقه ان هما في مكان احسن بكتير. مكان كله مليان خير . يمكن زعلنا علي فراقهم .
بس الموت عمره ما كان شر ده خير . الموت زي الفراق بس الفرق ان الموت فراقه اطول بكتير . يخليك تفكر في اخرتك وان الدنيا مداها مش طويل . اختبار …..
كلنا بنعدي منه وفي الاخر بناخد عليه تقدير . اللي تقديره حلو واللي تقديره وحش واللي اصلا ملوش تقدير . اعمل في دنيتك لاخرتك ؛
جمله قالهالي غالي قبل الرحيل. غالي علي قلوب ناس كتير .
كان عايش يوزع علينا الحب بالتساوي . ابناء واحفاد وكله كان يساوي .
ولو كان يزعل مره كان في قلبه يداري . ولو نزعل في مره بحبه يداوي . راجل طيب بوش بشوش وقلب جميل . فاتح بيته لكل الناس اصله اصيل .
عمر ما حد زعل منه ولا كان علي حد تقيل .
