كتب حنان محمد
حنظلة
أنا يا حنظله زيك و أحزن
مولود إيديا الجوز على ضهري
متكبلين و مفيش علامة نصر مرفوعه ،
و ببكي
لا حد شايف دموعي و لا كلف ودانه تنام على صدري
تسمع أهاتي المتكتمه زيي
و كأننا علشان اتولدنا في ساعة حرب
كتبونا في شهادة الميلاد و الوفاه في نفس الوقت
، سر حربي
و إ حنا شبهنا يا حنظله نسبي
” مرسومه رجلك
بدون خفك مسكنك على أرضك”
و أنا كفوف رجلي مبتورين
هناك على ارضي
انت هدومك متقطعه م القذف
مترقعه شبه الخيم ”
و أنا عاري
يدوبك مغطي عورتي و قلبي
انت مرسوم على ضهرك ملامحك
و في كل انتفاضه بتتلوحلي رقابتك
ولو شوفتك بوشك هعرفك و أخدك في حضني
و أنا مفيش حد كلف خاطره يعرفني
غير بس أمي شكت أكون مولود بدون وشي لفتلي
بكت
و من يومها مصدومه بكلمها متتكلمشي
شوفت في عينيها المرايه حكايه
كل ما بتتخيلها توجعني
شوفت في عينيها الفرق بين معناك و معنايا
مش نسبي
مَخذي و مُخذي
