كتب حنان محمد
بيبى”بنيامين نتنياهو
كلمه واسمعها يابيبى
موش هتبقى ف يوم حبيبى
مره واحده لو تفكر
فين نصيبك..فين نصيبى
موش هتعرف أو هتقدر
ترمى إيدك جوه جيبى
موش هتسرق منى حقى
موش هتسرق منى أرضى
موش هتاخد غير لهيبى
هو دا طفل الحجارة
اللى رح يعملها غاره
اللى رح يقلق منامك
اللى هيخللى جنابك
رح تنادى فين طبيبى
هودا شعب الكنانه
عمره ما يرضى المهانه
والقياده عارفه دورها
واقفه للأعداء ب”دانه”
مسجد الأقصى هيفضل
نور حياتنا ومنتهانا
فيه نصلى ونبتهل
ربنا يقبل دعانا
موش رح اشكى غير لربى
ربى هو اللى دارى بى
رح يولع يوم خيامكم
رح يزلزل يوم كيانكم
رح يغرقكم ف لحظه
جوه بحر اسمهال”كاريبى”
وقتها الأقصى هيرجع
والشهيد ينطق فى قبره
والجميع يشهد ويسمع
طفيتولى اليوم لهيبى
