كتب حنان محمد
حوّا اللي جوّا)
إتفضّلي هِلّي بجمالِك وافضلي
قُدّام عيون بتبصِّلك وبتعشقَـك
شايفاكي أجمل شــيء جميــــل
إتفضّلي يا سِت كل الكون بحاله
وساحرة كل قلوب رجالـه
وقصّة عايشة فــ كل جيل
إتفضّلي إتبسّمي واتكلّمـي
لمّا المَحِك بالفِطرة بأسكت واستمِــع
مين إللي قال إن إنتي نُص المُجتمع
دا إنتي الحياه والدّنيا والنّاس والوجود
إحنا الفروع وإنتي الشّجر
الجِدْر فيكي إنتي الأسـاس
بِمتَد ما فيــش ليه حـــدود
مين إللي جاب كل البشر إنتي السَّحاب وإحنا المَطر
المجد ليكي في العُلا عايش ودايم للخلود
كلمة بأقولها وع المَلأ بأعلنها ليكُم كلُّكـم
يا كُل مَن هو أو هيَ هُن الورود
من عِطرهُم كان الرَّبيع فصْل الجَمال
من سِحرُهم لان الجمود
يسعد صباحِك يا قمر يلّي السَّـهر
في عيونّا ليكي ما انتهـاش
وقلوبنا بيكي بتتمِلي حُب وفرح
ويّاكــي كـــل الإنتـــعاش
ياجنّة فيها أجنّة جيّـــة تجنّنيـها
عِرفنا من كونــِـك خلاص كل اللي فيـــها
جمِّل الحُسن إللي فيكي الدّنيا ديّا بمُنتهاه
يا بنْتي وأُختي وعمِّتـــي
يا خالتي وأُمّي وزوجتي بيكم بتحلالي الحيـاه
وبتكتمِل من فرحِتـي
بأيديكوا مُتعة جنّتـــي والجنّة ما فيش فيـــها آه
قلبي إحتوى حُبّك يا حوّا بدونه هلقى القلب تـاه
عطفِك حنانـِك وابتسامات الشفايف دول نجـــاه
أنــــا عُمــري ما فــ يوم كنت خايـــف
جنبِك إنتي بأحس إنّي محْمي في حفظ الإله
ذوقِك حيائِك شهد كل العُمر يلّي العُمر
بيكي بيحلا ويحلّي الدُّهور
مين إللي مش محتاج لكـُــم من عُمر آدم والرِّجـــال
محتاجة من بُستان هواكُم قطفة من ريحة الزُّهــور
سيدنا النّبي كنتوا الأحبّة لقلبه ولقلبي كمـان
وصّوا عليكوا الأنبيا يا أحلى ما جاب الزَّمان
ديماً على مرّ العصــــور
سبحانه رب الأوليا سوّاكوا من نبع الحنــان
يا أرقّ كائِن خلّى كل الضّلمة نــــور
مين إللي جاب كل البشر إنتي السَّحاب وإحنا المَطر
المجد ليكي في العُلا دايم وعايــش للخلـــود
إتفضّلي إتبسّمي وإتكلّمي لمّا المَحِك
بالفِطرة بأسكت وأستمِع
مين إللي قال إن إنتــي نـُص المُجتمــع
دا إنتي الحياه والدّنيا والنّاس والوجود
