كتب حنان محمد
منكم لله
منكم لله ياللى ف بالى
شقلبتوا ليه كل احوالى
ليه تتسرق أموال بيتى
ليه خدتوا حقى وأموالى
وصبحت من يومها استعجب
اشمعنا أنا الحظ ما جالى
وعند ناس تانيه مكمل
وبيغرفوا منه بدالى
لوقلت دا الحق ف صفى
ياخلق ردوا علي سؤالى
ازاى ومن غلطة واحد
مسطول وموش دارى بحالى
بياناته عنى مغلوطه
جدا وماهش مظبوطه
يسرق وبيقولها ف وشى
أنا وحدى عايش ونا مالى
وحسابى أدفعه من قوتى
مصاريفى تطلع بالغالى
والشهر بيهل هلاله
ولسه ماظهرش هلالى
يامسئولين حنوا علينا
الناس بتصرخ وتلالى
رجعوا للخلق حقوقها
هى الحقوق لعب تسالي ؟!
يامحتكر سلعة غيرك
افهم كويس أقوالى
اتقي دعوة مظلوم
واوعاك تعيش بالك خالى
أنا قلتها وربى العالم
عارف حقوقنا وموش سالى
وباقوللكم راجعوا ورقكم
وبلاش يعيش بيننا ضلالى
ياتفوقوا وتردوا علينا
ياإما تتوكسوا ليالى.
