كتب حنان محمد
رباعيات
لمة كدابة
يعدي اليوم و كل الخلق حواليا
وأخر الليل بتقتل وحدتي فيا
بعاني من فراغ قادر يموت فيا كل جميل
ولون الفرحة بقى باهت ومش القي لتوهتي دليل
وكل الناس تشوفني تقول يا بخته مفيش في باله هموم
عايش متهني طول عمره ونازل ضحك طول اليوم
وأنا والله طول الليل دموعي نازلة على خدي
وكل الخلق حواليا يا ناس حاسدة يا ناس ضدي
حبايب قلة يتعدوا ومشكوك حتى في النية
لوحدي
أنا لوحدي لأني كنت أو ضحهم
وكنت عايشة وسطيهم بطيبة قلب وسماحة
أنا لوحدي لأني رفضت اكون ماشية على هواهم
وكان صبري على أذاهم يزيدهم خسة وبجاحة
أنا لوحدي لأني كنت أ صدقهم
وكانوا ناس بمليون وش
أقول الكلمة من قلبي
كلامهم كله غش في غش
انا لوحدي لأني كنت اجدعهم
وعايشة لوحدي مرتاحة
مشهد سخيف
مشهد سخيف متعاد حدوتة بايخة مملة
الحب أخره بعاد و الاعتراف بيه ذلة
هتعيش يومين حلوين وتعاني باقي العمر
أهو ده اللي قالوا عليه العسل المر
هتدوق منه وده لازم ومش بإيديك
لما الهوا يحكم حكمه بيمشي عليه
لو كنت عايزه يدوم داري على شمعتك
كل اللي عاش يحكي مسلمش م الأوجاع
متقعش من كلمة وإختار شريك سكتك
كل اللي فعله كالم في الأصل كان بياع
