كتب حنان محمد
صباح الخير
زمان القهوة بين ايدك
وقدامك صور ليا
وفيروز لسه بتغني
وانا القهوة ما بين ايدي
وقدامي صور ليكي
وكل ما ابص في عنيكي
مشاعري بتبعدك عني
تقولي عليا بقى بيغير
وبيدور ورايا كتير
ويجري عليا بالمشاوير
وبقى مهتم
وكل دقيقة حزن وغم
وانا والله كل ما احب كل ما اخاف
ماواحد غَمِس اللقمة
اكيد ميحبش انه يدوقها تاني حاف
فمتلومنيش عشان حساس
وبشتاقلك يا ست الناس
ولسه بغير
(وشايف البحر شو كبير)
مافيروز لسه بتغني
وقدامك صور ليا
ولسه القهوة بين ايدك
وانا القهوة ما بين ايدي
وقدامي صور ليكي
وكل ما ابص في عنيكي
مشاعري تكلمك عني
صباح الخير
