نشر حنان محمد
کیان
شفت في موبايله أجمل كيان….
وعيون بتنطق من غير لسان
والبيشة رسمت لوحه جمال…
وكأني شايف بحرين حنان
حرام عليكي داري عنيكي…
وازاي هكمل شعر الديوان
خطفتني دوغري ولقيته …شعري…
بریشته کاتب کلام جنان
طب كونتي فين يا اجمل عنين…
حرمني منك بعد المكان
وكمان قوامه وهدوء كلامه…
ياخذك بعيد عزف الكمان
الخطوه عاقلة وفي كل نقله…
ثباتها يسحر أجمل عيدان
والشعر ليل واللون ..دليل
على ذوق ورقه بين الحيطان
زمان عرفته لكن ما شوفته…
وكان ميلاده جوه المیدان
طب اعمل ايه وسلام اديه…
بنج عروقي والروح كمان
والاسم نغمه تسمعها حلوه…
وبعده تقفل صوت الودان
رغم الظروف لازم اشوف…
جمال بقوه مليون حصان
شوفت الرباية دي ادبها آيه…
عاش اللي ربي أجمل كيان
يارب صونها واحفظ حصونها….
دعوه وهقولها بعد الأذان
