نشر حنان محمد
الأحباب
لحظة لقا الأحباب
العمر موش محسوب
بيضيع معاه الألم
والحزن فيه بيدوب
ضحك وسعاده وهنا
جوه القلوب مكتوب
حالفين نرد الأذى
عن بعضنا ونتوب
عن كل شيء مسنا
لو حتى بالمقلوب
اليوم دا يوم الفرح
والهم فيه مشطوب
كتب الزمان كلمته
والعمر فيها يادوب
يوم نلقا فيه بعضنا
تفرح قلوب وقلوب
ومزان عدالة السما
دايما هناك منصوب
ومفيش فريق يتظلم
ولاغالب يصير مغلوب
اليوم دا يوم الأمل
فيه الوفا مطلوب
هنعيش معاه سعدنا
من غير خصام وحروب
