اعدام الدجال ..انا عصام 40سنه، متجوز وعايش ف البحيرة ،انا الشغل بتاعي بطبيعته مخيف انا من الاخر كدا بريح الناس اوي،انا بشتغل، عشماوي وطبعا مافيش غير عشماوي واحد ف مصر، ويبقا تحتي مساعدين بيتعلمو وبروح سجون كتير، وريحت ناس كتيير اووي وعادي الاول كنت خايف من الشغل دا بس بعد كدا اتعودت عليه بقا وكل واحد كان بيجي تحت ايدي واشوف نظراته قبل ما يموت، كنت ساعات بحس بضعف بس بجمد قلبي بردو دول مجرمين ف المجتمع وف يوم جالي اتصل بيئا مآمور السجن بتاع الصعيد وقالي هتيجي بكرا عشان عندنا واحد وطبعا جهزت الشنط بتعتي بقا وكلو تمام وروحت، اول ما وصلت لقيت جو السجن غريب كدا ف بسال واحد هناك قالي اصل فيه هنا واحد دجال بس ايه وااصل اوووي، بيعمل سحر بقا ويحضر اعمال وسمعت انو كان بيعمل اعمال لناس ويحطها ف بوق الميتين ف بسآلو طب هو ممسوك ليه قالي والله حاجه غريبه ،جد قال ايه كان بيجيب البنات سن 15سنه، ويدبحهم ويقدمهم قربان ل ملوك الجن ومسكنا عندو حوال 12جسه ودمهم مكتوب بيه حاجات غريبه ،كدا ع الحيطه وقالي انت عارف القاضي ال حكم عليه بالاعدام امبارح ،مات هو ومراتو وعيالو انا اول ما سمعت كدا قولتلو ماتو ازاي، قالي البيت ولع ومكملتش معاه لقيت مآمور السجن جالي سلم عليا وخدني معاه المكتب وبيقولي ايه بقا هتاكل ايه انت لسه جاي من سفر المهم كلت وبندردش بقولو ال هيتعدم دا ليه وكدا.
لقيتو بيقولي، دا واحد ياعم لقينا عندو جثث بنات صغيره سمعت الكلام كانت كباية الشاي ف ايدي وقعت قولتلو هو الدجال دا ال هيتعدم انهردا راح هههههههه ضاحك، كدا وقالي انت خفت ولا ايه قولتلو ياباشا دا لسه بيقولو القاضي ال حكم عليه مات هو وعيالو ومراتو قالي ياعم دي حادثه متخفش المهم تاني يوم بقا رايحين عشان ننفذو الحكم ورايحين ع الزنزانه بتعته وكل من قرب احس بسخونه غريبه ف الجو لحد ما وصلنا هناك افتح الزنزانه يابني لقيت واحد شكلو استغفر الله العظيم من دا شكل، شعر طويل بطريقه بشعه دقن طويله وبيضحك، بيقولنا اخير انتو اتآخرتو كدا ليه خدناه وماشين وماشي معانا عادي بكل هدوء وبصلي كدا وعينو برقت ولقيتو بيقولي انت عامل ايه ياعم عصام انا سمعتو اتكهربت عرف اسمي منين دا انا اترعبت اول ما قالي كدا وحسيت مفاصل جسمي سابت المهم وصلنا، ل غرفة الاعدام فضل الشيخ يتكلم ويقولو اتشاهد، يابني ودا يبصلو ويضحك اتشاهد ونفس الكلام يبصلو ويضحك وراح قال هو ال بيتعدم مش بيبقا، ليه طلب ف الشيخ قالو اه قالو انا طلبي اني افضل متعلق ف الحبل يومين محدش ينزلني كل ال سمع الكلام ملامح وشو اتغيرت طب ليه الطلب دا قالو هو دا طلبي اني افضل متعلق، ف الحبل يومين ف قالو ماشي المهم انا رايح بقا بلبسو الكيس ع دماغو قالي لا انا مش عاوزه ياعم عصام خليه معاك وبصلي بصه لقيت عينو قلبت كدا ولبستو الحبل، وانا بلبس الحبل شوفت ضهرو كان عليه رسومات غريبه كدا المهم قالنا ع فكرا مش اخر مره هتشفوني فيها وراح ضاحك ضحكه بصوت عالي كدا انا روحت شادد السكينه، مره واحده المهم مشينا بقول لل مآمور انتو هتسيبو ف الحبل كدا قالي خليه ياعم دا ياما عزب ناس خليه يتعذب وبعدين ،ما فيش حد جه سآل ع الجثه ومافيش حلات اعدام تاني سيبو انا ماشي وكلمة مش اخر مره هتشفوني دي ف دماغي المهم نمت هناك والصبح مشيت وانا داخل ع البيت حيت بنفس السخونيه ال حسيت بيها وانا داخل ع الزنزانه.
فضلت استغفر، ربنا ودخلت سلمت ع عيالي ومراتي وكلو تمام وحكتلهم، بقا ع الموضوع وانا نايم سمعت ابني بيصرخ بالليل روحتلو جري مالك، يابني ف ايه قالي انا حلمت بواحد شعرو طويل ومتعلق ف حبل مشنقه وحولينه تعابيين متير ومبرق عينو اوي واقعد بيضحك بصوت عالي انا سمعت الكلام جسمي ساب من بعضو المهم خدت ابني وبنتي معايا ف الاوضه وقولتلوهم، متخافوش من حاجه الصبح بنتي قالتلي يابابا ف حاجه غريبه ف الحمام قولتلها ايه قالتلي بقعه ف السقف كدا عامله زي الدم او البوهيه روحت اشوفها لقيت فعلا بقعة دم حاولت امسحها، مش راضيه تتمسح قولت عادي ممكن تكوون بوهيه وطلعت والامور طبيعيه لقيت مراتي صرخت مره واحده ايه ف ايه قالتلي ف حاجه عدة كدا بسرعه، ف الطرقه دي انا خوفت قوي معداش دقيقه ولقيت، مآمور المركز بيرن عليا بيقولي عصام هسالك سوال عادي قولتلو اسال خير لقيتو بيقولب‘ي انت محصلش معاك اي حاجه غريبه من امبارح قولتلو ليه قالي بطمن عليك بس قولتلو انت حصل معاك حاجه قالي لااا مافيش حاجه عادي خالص قولتلو ماشي وانا كمان عادي دخلت الحمام بعد الاكل وقاعد كدا مركز ف البقعه دي لقيتها بتتحرك براحه ف السقف كدا وفجآه لقيتها قدامي ع الجدار ايه دا فتحت الحمام وطلعت جري رجعت تاني لقيتها مكنها بس كبرت شويه قعدة ارن ع المامور موبايلو، مغلق انا قاعد مرعوب وانا نايم بالليل جالي اتصال من رقم غريب رديت سامع صوت .
حد بيتنفس بس نفس هييييي هااااا هيييي هااااا اقول الو الو الو ما فيش، فجاءه صوت غريب رد عليا وقالي ازيك ياعصاام وفصل فضلت ارن يقولي هذا الهاتف غير موجود ف ال خدمه روحت لشركة الاتصالات بديها الرقم قالولي الرقم د متسجل ب اسم واحد بس الواحد دا لما سالت عليه لقيتو ميت من 15سنه انا قلبي بداء يوجعني فجآءه مآمور المركز رن عليا وبيقولي الحقني ياحصام والخط فصل روحت راكب عالطول الصعيد روحت المركز سالت ع بيتو وصلت لقيت لمه هناك ومآمور المركز ميت فضلت ادور ف البيت ع اي حاجه لقيت نفس البقعه ال عندي عنو ولقيت ورقه مكتوب، فيها عصام انا اسف اني مقولتلكش اني بيحصل معايا حاجات غريبه الدجال موجود وحذر الشيخ علاء للعلم الشيخ علاء، دا ال كان معانا هناك ال كان بيقولو اتشاهد حذر الشيخ علاء انو موجود انا كان بيحصل معايا كالاتي بالليل وانا نايم افتح عيني القيه واقف قدامي ومبرق عنيه تبريقه غريبه كدا ومبيكلمش ، ادخل الحمام القي بقعة دم بتتحرك وكل يوم بتكبر شويه لحد ما ظهر فيها عين كدا بيضه احس بهو دافي بالليل بيسخن البيت كلو واسمع صوتو ، وهو بيقولي انت اول واحد وبعدين البقعه دي كبرت اوي وسطر شخبطه.
يعني كدا هو كان بيكتب الحاجه دي اول ب اول، روحت للشيخ علاء عالطول لقيتو توفي ومحدش يعرف السبب
روحت البقعه دي كل يوم بتكبر شويه وانا واقف ف الحمام ببص ق المرايه لقيت شكل بشع ورايا ببص تاني ملقت حاجه قولت انا هاروح لشيخ اسآلو ع ال بيحصل، دا ورحت فعلا ولما حكيتلو فضل يستغفر ربنا وقالي
قالي بص يابني
الي انت بتقولو دا كلام مش منطقي انو يحصل ازاي والله ياشيخ كل كلمه قولتهالك حصلت فضل يقولي صلي بس واتقرب من ربنا سبتو ومشيت وانا مش عارف اعمل والكلام ال كان ف ورقة المآمور مخوفني جدا روحت اول ما دخلت روحت الحمام بصيت ع البقعه دي لقيتها بتكبر وانا مش ف ايدي اي حاجه اعملها وانا نايم باليل سمعت ابني بيصر روحت جري خدتو ،ف حضني مالك يابني ف ايه قاااالي با ب بابا انا حلمت بالراجل دا تاني وقاعد يتمرجح ع حبل المشنقه ويقولي قول ل ابوك مفضلش كتير وراح مبرق ف وشي جامد اووووي وكان هيكلني خدت الواد ف حضني ونمت انا وهو مع بعض تاني يوم كنت روحت للشيخ تاني قالي يابني انا مش عارف اقولك ايه بس اقولك حاجه مش هيحلها غير دجال زيو روح وشوف هيقولك ايه يمكن هو ينفعك
وفضلت اسال لحد ما قالولي ف واحد اسمو كازور فانا لما قالولي الاسم استغربت اوي وقولتلو هو دا اسمو قالي لا دا اسم ملك من ملوك الجن وهو واخد اللقب بتاعو وكدا ،والملك دا بيساعدو بقا ف الحاجات ال بيعملها روحتلو واول ما وصلت لقيت بيت قديم والباب بتاعو كبير بيت زي بتووع ايام زماااان ولسه هخبط لقيت الباب فتح وطرقه طووويله كلها ضلمه وهو قاعد ف الاخر ومولع شمع حواليه وقالي تعالا،
فضلت واقف خايف ادخل قالي تعالا يا عصام متخفش طب عررر ر رف اسمي منين دا يدوبك دخلت لقيت الباب قفل ورايا لوحدو فضلت ماشي لحد ما وصلت فيه بقا قطط ميته ومتعلقه وعلامات غريبه ع الحيطه مكان غريب اووي اول ما قعدت قالي مالك عاوزني ف ايه حكيتلو ع الحصل
فضل ساكت وقالي روباع
قولتلو ايه روباع دا قالي دا ملك من ملوك الجن بيعمل لصاحبه كل حاجه يآمرها منو بس بشرط انو يقدملو بنات لسه بكر قربان وبيقتلها بعد ما ياخد منها دم يستعملو ف اشياء مثل الاعمال روباع من اخطر انواع الجن فضلت اعيط واقولو طب ايه العمل قالي العمل واحد ملوش تاني ان الجثه تدفن كدا روباع هيطلع منو
ف شكرته وطلعت جري ع برا روحت ع الصعيد وصلت المركز لقيتو شبه مهجور سآلت الناس قالو دا كان بيظهر في حاجات غريبه واصوات وناس بتموت ف سابو المكان هنا ومتفكرش تدخل جوه انا حياتي قصاد دا ودخلت وسابع صوت حنفية بتنقط مايه وفضلت ماشي وكل ما اقرب من الاوضه احس بحراره ال كنت بحث بيها لحد ما وصلت لقيتو متعلق وزي ما هو محصلش فيه اي حاجه
روحت قربت منو عشان انزلو لقيت صرخه ومره واحده عينو فتحت بيضه اوي وسمعت صوت بيقول انت جايلي لحد هنا كمان والارض تحتي اتهزت حاولت افكه الحبل مش راضي يفك لقيت ايد طلعت من الارض مسكتني من رجلي فضلت اهرب منها لحد ما فلت وطلعت اجري لحد برا
رجعت للدجال تاني قالي هقولك ع حاجه تعمله عشان تتخلص من روبعان طلع قماشه من معاه كدا وقالي دي حاجه تخصو وهتحميك فتحتها لقيت فيها قرن بقولو ايه دا قالي دا بتاع روباع محتفظ بيه لليوم دا مطلوم منك تجيب كيس دم وعيون واحد بتاعة بني ادم انا سمعت قولتلو ازاي يعني قالي معرفش بقا اتصرف روحت لدكتور كنت اعرفه كلم بتاع المشرحه ف رحتلو بقولو انا جايلك من طرف دكتور ايهاب عاوز الحاجه لقيتو بيقولي انت شكلك كدا بتعمل اعمال قولتلو ولا اعمال ولا غيرو اعم انا عاوز الحاجه دي وخلاص قالي اصل ال بيخدو حاجات ذي دي العيال بتاعة الطب وبتوع الاعمال ياعم مترغيش كتير انت هتجيب الحاجه ولا امشي قالي تعالا المشرحه دي مع اني كنت شغال عشماوي بس حسيت فيها برعب النور شويه صغيره كدا وجو تلج وريحه مش حلوه ولقيتو بيقولي يالا نقيلك واحد قولتلو ياعم نقي انت انا مش جاي انقي راح ساحب واحد وقالي دا طازه لسه جاي امبارح وراح لابس جونتي ومطلع عنيه وراح حاطتهم ف كيس وادهملي وقالي يالا ياعم اي خدمه.
خدتهم ورحت للدجال قالي هتروح ف اي اوضه ف السجن وتعمل دايره بالدم ال معاك وتحط كل عين من دول ع جنب الديره من اليمين والشمال وخلي القرن معاك طول ما انت ف الدايره محمي وافض قول زار كانعان ياجور فازيل افضل قررهم وهو هيظهر تيجي شدو جوا الدايره وتغرس القرن دا ف قلبو روحت هناك ودخلت اصوات مرعبه ف كل مان دخلت الاوضه ال كان مسجون فيها انا خلاص رايح ي اموتو ي اموت وعملت دايره بالدم زي ما قلي وحطيت العنين وفضلت اقول زار كانعان ياجور فازيل زار كانعان ياجور فازيل لقيت الدايره نورت من النص وانا اقول زار كانعان ياجور فازيل لقيت الحيطان بيتهز وصوت بيزلزل المكان وحاجت بتتطلع من الحيطان وتكرر معايا زار كانعان ياجور فازيل ولقيت حاجه طلعت من النص شكلو يخلي الحجر ينطق وجاي بيقرب مني وانا اقرر بس كل ما اقرر هو يضعف كان مليان شعر وعينو حمرا وعند قرون بس لقيت قرن مكسور ال هو معايا ال الدجال قالي اقتلو بيه وفضل يقرب رحت شدو جوا الدايره راح ماسكني من رقبتي وقرب وشو مني وانا احول افلت منو فضلت اقرر زار كانعان ياجور فازيل لحد ما لقيتو بيضعف ويصرخ رحت مدخل القرن دا عند صدرو وفضلت اقول زار كانعان ياجور فازيل لحد ما وقع وبدا دمو يسيل ويندمج مع الدم ال انا عامل بيه الدايره وفضل كدا والدم كلو راح ف العنين وفحآه اختفو رحت لقيت اوضه المشنقه ريحتها مقرفه ليقت الدجال جسمو متعفن خدتو ف شكاره ورحت مكان ما فيهوش حد خالص ورحت دافنو فيه روحت لقيت البقعه دي اختفت من الحمام بتاعي والهوا الدافي دا راح روحت اسآل ع الدجال ال كنت عندو قالولي دا ساب المكان وانا قدمت استقاله من الشغل وانشاءالله تتقبل.
تابعونا على صفحتنا على الفيس بوك
