سيبنى اثبتلك
سيبنى اثبتلك إنّ حقيقى
قلبى كبير ومايعرف زيف
يساع الدنيا شتا أوصيف
وانتَ مالكُه مانتش ضيف
حقيقه صِدق مُش تحريف
يوم ماعِرفتك كنت لطيف
خفة روح عاليه وظريييف
أما اتغير طبعك فجأه!!!!!
اتعجّبت..أقول.. يالطيف
أملى تانى تعدّل حالك ..
من غيرمااعرف اللى جرالك
الأعذار انا .. أغفرها لك
ماتقوليش إيه كان مالك
إوعى تبرر لى .. إهمالك
زى الأول.. اِرجع تانى
زى ماكان..لسه مكانى
ياللى مكانى هوّ مكانك
هاستناك.. اِوعى تنسانى
مهما يغيّر.. فينا زمانى
قلبى هواه أكيد..إنسانى.
تابعونا على صفحتنا على الفيس بوك
