تعرف على محاور البرنامج الانتخابي للمرشحة[ ريهام حمدى عبيد ]
مرشح لعضوية مجلس إدارة بلدية المحلة للدورة القادمة حتى 2029
رقم (3)
اول خطوة في البرنامج الانتخابي بتاعنا هي :
ملف النشاط الرياضي في نادي البلدية… محتاج وقفة حقيقية!
كلنا عارفين إن النشاط الرياضي هو روح أي نادي، لكن بصراحة… الواقع الحالي مش على قد الطموحات!
كل يوم بنشوف مشاكل زي:
سوء إدارة بعض الألعاب
فرق واضح في مستوى المدربين
شكاوى كتير من أولياء الأمور، خصوصًا في السباحة
نرجع فرق النادي لمكانتها الطبيعية
رؤيتي واضحة: – نعيد هيكلة منظومة النشاط الرياضي من أول وجديد… بشكل احترافي
نتابع أداء المدربين باستمرار ونقيمه
نسمع لأولياء الأمور ونتحرك فورًا لحل المشاكل
نرجع فرق النادي لمكانتها الطبيعية ونوسع المشاركة… خاصة لبناتنا اللي محتاجين فرصة حقيقية
الرياضة مش مجرد تمرين… دي تربية وانتماء، ولازم نرجعها لقلوب أولادنا من جديد
تاني نقطة في البرنامج الانتخابي بتاعنا هي:
النادي الاجتماعي… مش مبنى وخلاص، ده بيتنا التاني
نخرج ولادنا في مكان آمن ونظيف
النادي مش مجرد ملاعب وتمارين…
النادي هو المكان اللي المفروض نرتاح فيه، نغير جو، نخرج ولادنا في مكان آمن ونظيف، وخصوصًا العائلات اللي نفسها تلاقي خصوصية وراحة حقيقية.
تطوير المنطقة العائلية جوه النادي
رؤيتي واضحة وبتركز على الراحة والاحترام عن طريق:
تطوير المنطقة العائلية جوه النادي عشان تبقى مريحة وآمنة
نزوّد المساحات الخضرا ونوفّر ظل وأماكن قعدة تليق بالناس
تحسين مستوى الخدمات (مطاعم – كافيهات – حمامات) بأسعار مناسبة وجودة محترمة
نخلق بيئة تليق بعضو النادي… ونخلي النادي مكان نفتخر بيه كلنا
العضو يستاهل مكان يحبه.
لازم يبقى مؤسسة حقيقية
ثالث خطوة في البرنامج الانتخابي بتاعنا هي :
نادي البلدية… لازم يبقى مؤسسة حقيقية مش مجرد مكان مفتوح.
النادي المفروض يكون عنوان للتنظيم
النادي مش بس مساحات خضراء وملاعب، النادي المفروض يكون عنوان للتنظيم، مش قرارات مرتجلة ولا حلول وقتية.
بوابة إلكترونية أو مكتب شكاوى حقيقي جوه النادي
رؤيتي لإدارة صح:
نطوّر طرق التواصل بين الأعضاء والإدارة… ويبقى فيه شفافية
نطلق مبادرة “صوت العضو” – سواء كبوابة إلكترونية أو مكتب شكاوى حقيقي جوه النادي
نبدأ ندرس تطوير البنية التحتية بخطط مدروسة… مش شغل عشوائي
نفتح باب الحوار مع الشباب يشاركوا ويتطوعوا… لأن النادي لازم يسمع صوتهم ويستفيد منهم في تطوير نادينا
النادي بينجح بينا كلنا
النادي مش إدارة لوحدها ولا أعضاء لوحدهم… النادي بينجح بينا كلنا.
العضو أولًا… وده مش شعار، دي قناعة.
مفيش إدارة تستحق مكانها
النادي الحقيقي هو اللي العضو يحس فيه بالراحة والانتماء
ولو العضو مش مرتاح، يبقى مفيش إدارة تستحق مكانها.
مش مجرد اسم جوه المجلس اشتغل على الأرض
التزامي واضح: أكون صوت كل عضو… مش مجرد اسم جوه المجلس
اشتغل على الأرض… أتابع، أسمع، أراجع، وأتحرك
أؤمن إن المجلس مش سلطة… المجلس تكليف ومسؤولية .
شغلي في النادي مش منصب لا مظهر
اللي بينا احترام مش وعود، وشغلي في النادي مش منصب لا مظهر ده دور مكلفه بيه لخدمة الاعضاء … ده دور بشتغل عليه من قلب المكان.
تابعونا علي صفحةالفيس بوك
