روح موصولة
صباح الخير على جمالك
زمان طقوسك بدأت
انا حافظها .. أسمعهالك ؟
احلفلك اصلا اني برغم البعد ان انا شايفاك
احلفلك ان انا حاسة ان انا جواكاحلفلك مين دلوقتي بيرغي معاك
ومين مستنى تقابله على باب الجامع
ومين واقفلك على باب الشارع
ومين سامع دقات قلبك
حتى لو انت مش سامع
صباح الخير على السبحة
على الجلابية
على بوسة انطبعت على ايد ابوك
على بوسة انطبعت على جبين امك
على كل تفصيلة انا مش فيها
وعلى كل تنهيدة خرجت منك
صباح الخير على عيونك
انا جنبك … كمل يومك
صباح حبك
عاوزة اشاركك
اغنية بسمعها لفيروز
عاوزة اوريلك
فستان اشتريته من جنب بيتك
عاوزة اشرب فنجان القهوة من ايدك
عاوزة اديلك
عمر ف كام ساعة نسيتهم معايا بتوقيتك
عاوزة اتنهد عمرين فوق كتفك
عاوزة اقولك اد ايه انا حسيتك
اقولك اد ايه انا حبيبتك
اقولك
سلم لي على عيونك
سلم لي على نظرة حب نطت منهم
وحضنتني
عيونك وحشتني
وكلامك طول الليل سامعاه
وضحكة طلعت غصب عني
وصلت قلبك لسماه
فاكر ضحكة قلبي ساعتها
احلفلك انك فاكر
اكدب اكدب .. صِدق قلبك انا سامعاه
دفا شريانك في لمسة طمني
نبرة صمتك وقت العجز ربكتني
اغنية مابينا لفريد هزمتني
مهما دموعي تقول بكفاية
مش كفاية
( عايزك انت قلبك انت وابقا جنبك م البداية للنهاية
واعمل ايه اعمل ايه ياحبيبي
تابعونا على صفحة الفيس بوك
