كلاب وكلاب
ياكلاب بتطلع للقمر
وكلاب بتطلع ع الهرم
وكلاب نشوفها بنترعب
خايفين نقرب “نتقرم”
وكلاب ياعينى حظها
عند الكبابجى بتتفرم
وكلاب شوارع حظها
مش لاقية لقمه تتقطم
الدنيا دى فيها العبر
فيها المواعظ والحكم
ياماناس بتتمنى الحياه
وناس حياتها في العدم
لوكنا بنحب بصحيح
وبننصر اللى يتظلم
ماكانش حالنا فى الحضيض
دايما مابين كل الأمم
يارب انت المقتدر انت الغنى
انت القوى ع اللى ظلم
قادر تبلغنا الأمانى كلها
وتقوى فى قلوبنا الهمم
وترجع الضحكه اللى غابت
والحزن فى وشوشنا اترسم
تايهه القلوب شارده العقول
طب امتا نرتاح م الألم
طالبين ولا يكتر عليك
تشفى قلوب صابها الصمم
بيقولوا ع القهر انتصار
ويعينوا ظالم ع الغشم
الحق دا اسم الإله اللى خلق
وف قدرته يظهر ويبقا المنتقم
تابعونا على صفحتنا الفيس بك
