الفشل ..طيب
كل أما تروح له يستقبلك
ويسألك
إيه مع عشرتي حيزعلك…؟
الفشل ..ساحة براح
فيها ألف ألف باب
باب اللي خاب
واللي إتساب
وإتعاب
واللي مالوش ف الكون
أنياب
الفشل…. حاله
أولها إندهاش
وأخرها همسة عتاب
نوم…
من غير ما تشغل بالك
باللي حيجرالك
بعد اللي جرالك
ولا تسئل …
ولا تستنى جواب
الفشل …
طاب …وإستوى ف عودك
بيأكد إن وجودك
ع الدنيا تراب
فيا أيُها الفاشلُ مثلي
لا تعبأ….. بنجاح
من وقف فوق التل
قد راح
والفشل …
دايماً حاضر
عمره ما غاب
تابعونا علي صفحة الفيس بوك
