كتب حنان محمد
رباعيات عن فلسطين
هيفيد بإيه كل الكلام والدَمع
قدام رصاص وبارود وقضية ومشاكل
بالظبط دورنا زي دور الشمع
بيزَيِّن التورتة قبل اما تتاكل
كل اما احاول أنام
بسمع صريخ عيل
مش قادر أتخيل
والجو متلخبط
الليل من الصواريخ بقى صبح بينور
والصبح م الدخان بقى ضلمة ومِلَيِّل
لما إشتراه
كان كل حلمه ساعتها يلعب بيه
كانت الحياه وردة وفراشة وحضن يتحامى فيه
ومكنش ابدا بالحياة مهتم
لما إشتراه كان نفسه يتلون صحيح لكن بلون الزرع او لون المطر
ومكنش يحلم انه يتلون في يوم بالدم
