كتب حنان محمد
بقيتو كام
الف الفين
تمام تمام
احنا بس خايفين نتلغبط ف العدد
وهنبعتلكم بس المدد
بصين لروحكم ف السما
وبنقول يارب
السما هناك زحمة اوي
وانا قلبي دراعه بيتلوي
ومكسور اوي من كتر الضرب
وبقول يارب
وانا بس لو ف ايديه حاجة تتعمل
لجل ما اقابل وجه كريم واتسأل
اعرف اجاوب
والاجابة اني مستني الأمل
اني ساكت بس حزين . اني بنام وعنيا مفتحين
اني حر عايش سجين
واني مبطلتش دعاء
ومستني الإذن بالافراج
زي اللي عايش بالوباء
وبيرفض اي نوع م العلاج
