كتب حنان محمد
ليله عيد
شفت البدر لقيته سعيد…
قالي دا بكره يوم العيد.
فرحه وبهجه وصحيان بدري…
وكله محضر لبس جديد.
هاخد دش وأطول حبه…
وامي تنادي خلص العيد.
لازم توصل قبل الكل…
دا انت الفرع لأصل شديد.
وامي تسيبني الاقي مرايتي…
كله بيأمر عبد وسيد.
اخلص لبس وارش عطوري…
واحس ريحتها جوه وريد.
وافتح بابي وقلبي سابقني…
وبينها شفايفي لحن فريد.
وألاقي جيراني بأحلى معاني…
ود وحب ملوا الايد.
وطول السكه لساني يكبر…
نغمات حلوه في والتحميد.
ولما نصلي نجري نحلي…
جواه ملبن كحك العيد.
نخش بيوتنا عزوه وعيله…
حاجه تفرح في المواعيد.
ويومها احوش احلى عديه…
وفي حصالتي الخير بيزيد.
العب واشبع ويا اصحابي…
لمه تدفي في التجديد.
يارب يعود بخير ويجود…
وتحلي الصحبه في اجمل عيد.
