كتب حنان محمد
ملكيش حلول
هو أنتِ يعني ازاي تكوني المسألة
حلها وكل لوغاريتماتها المعضلة
وأنا بينهم كنت واحد شاطر ف الحساب
وانت الجواب
لما تتوجهلي كل الأسئلة
ف ازاي مفيش غيرك لما أواجه مشكلة
هو ليه كل الحلول فيكِ انتهت
ملكيش حلول
وأنا غير حروف اسمك معرفش اقول
هو ليه الجبر صعب
وأصعب منه أشكال الهندسة
ازاي رسمتك كل أضلاع الحياه
يا مدرسة
سنة اولى فيك تعادل ١٠٠٠ من الشهادة
زي العبادة
في ليلة قدْر يا قدَر مكتوب
ليه الهروب
من نظرة بتحلى ف عينينا المر لو قولنا اه
فارد مداه
كل نبض ف قلبي بيعشق خطوتك
واهي سكتك
مفروشة بالروح لو تكوني منتهاه
ملكيش حلول
….
