كتب حنان محمد
لما كنا صغيرين
كانت الدنيا جميلة
عشِنَا دفء وخميلة
تلمح البسمه فى لقانا
تهمس النسمه فى هوانا
تسمع البهجة ف غنانا
كلها رقة وحنين
ولما خدنا العمر حبه
ابتدينا نزيد محبه
نزرع الود في قلوبنا
تطرح الطيبة فى دمانا
نروي بيها إللي إشترانا
مهما بتعدي السنين
ولما تاب القلب شاب
انكوى بهجر الصحاب
إللي راحوا وإللي كانوا موجودين
إللي بعدوا ومهما بعدوا قريبين
كنا فاكرين طبطبتهم حب فينا
قشه واتعلقنا بيها
كنا فيهم غرقانين..
