متابعه حنان محمد
قول كلمتك
قول كلمتك
من غير ٱلام
قول كلمتك
ماتخافش من لحظة ملام
دا رماد سنين الصمت
بيهد الكلام
***********
لو حوطوك ميت ألف ديب
إثبت ملامح عزتك
لو بالسلاسل قيدوك
قول كلمتك
أوعاك تسلم للسكوت
لو علقوك ف المشنقه
أوعاك تموت
أزعق وعلي ف الأدان
خللي الودان
تصحي وتسمع كلمتك
أوعاك تفوت فرصتك
أوعاك تموت
***********
من فوق جبل
أبني دارك من جديد
أبني دارك من حديد
يتحدي ريح الصرصره
وأزعق من فوق الجبل
غرق تراب الكون أمل
أرضك ملامحك
أوعاك تغيرها
هيه العرين
م الوهن طهرها
أنطق وجدد همتك
قول كلمتك
أوعاك تخاف
م الضعف لو يوم يكبتك
دا الصمت مش طبع الأسد
***********
وأملا القلم
رغم الألم
وأرسم علم فوق التراب
وأكتب قصيده للوطن
مفيهاش شجن
جوه الكتاب
أكتب جواب
لأولادك الجايين
مليان أمل
مليان أمل.
