غُنا
علمني حُبك أكون ضمير
ما أعرفش إلا الحق
ف ٱه ولأ
وإن قلبي دق
يبقى ف هواكي مصير
علمني حُبك أكون أمير
يعني طيب
ماقلش طيب
و أخيب حلم الصغير
وأمسح الجوخ للكبير
علمني حُبك أبقى طير
يفرد جناح الغُنا
ف عز الضنا
وانا من غير الأنا
ساكن ف عشك مهما أطير
علمني حُبك أحلى سير
سير اللقى
بعد الشقى
توسع عيوني الضيقه
وأشوف براحي …..
.أبقى غير…!!
علمني حُبك كل دا
درويش ف أحضان الرضا
لا أشتكى
كُتر البُكا ولا لام وقال
قلبك ضرير ..!!!
…
غُنا….
تابعونا على صفحه الفيس بوك
