ياشاعره
كل ال كان جوه ف قلبي
إنتِ قولتيه
ومشاعري المخلوطه وأحاسيسي
بشطر قصيده ..
كتبتيه
وكأني كتاب مفتوح وبعيونك الحلوه ..
قرأتيه
مبقتش عارف بصراحه
أنا أقولك أيه
وكلامي كله ..
أنا قولته ف كومنت وتاه
بس انا فاكر ف التو ..
ختمت ب ( الله )
وحطيت كام ورده وقلب
وييجي كام حرف وكام نقطه
وفاصله وبرضوا كام شرطه
ساعتها بصراحه مش هنكر
كانوا طالعين م القلب
طب أقول كمان ..
كنت يوماتي أعسعس ف حسابك
وأصول وأجول ف كتاباتك
وأعيد وأزيد في كلماتك
واهرب جوايا واعمل إعجاب
وأخاف منك تكسري قلبي
وبدون داعي ، وبدون أسباب
تقفلي جنة قلبي المفتوحه
وتقولي ..
ياشاعر روح إلعب غيرها
عارفاك كداب
ومن غِيرك إزاي أنا مش عارف
أعيش عُمري شباب
ياشاعره
تابعونا على صفحة الفيس بوك.
