جرب مرة
جرب مرة ترمى بياضك.
ياللى ماشوفتش الا سوادك.
ادفع نص العالم واعرف
ايه اسباب كرهك لبلادك.
جرب مرة يا شيخ:
جرب مرة ياشيخ واكفينا
اللى ظهر منك لعينينا
ياللى مصايبك من حوالينا
لنا تبعتها قبل ميعادك.
جرب مرة ومرة ومرة:
ياللى فكايرك كلها مرة
ولا فيش فيها خير بالمرة
ولا فيش فيها إلا عنادك.
جرب مرة تحب البيت
ولا تحب العيش والزيت
ياللى علينا كتير وزيت.
وفشلت تحقق مرادك
واوعى تقول انك بتحب.
ياللى لسانك ماشى يدب
زى النار ف القش تهب
صهد النار يوصل أولادك.
جرب مرة تكمل نقصك:
جرب مرة تكمل نقصك
وتريحنا ساعه من رقصك
ونطيحك فى الخلق ورفسك
وماهش عاجبك شىء ف بلادك.
تابعونا على صفحة الفيس بوك.
