خلطة البطاطس السريعه.. المقادير
2 صدر فرخه بس انا استخدمت بواقي فراخ عندي
2 حبة بطاطس مقطعة مكعبات
2 حبه طماطم مقطعة مكعبات صغيرة
2 بصلة صغيرة مقطعة جوانح
فصين ثوم مفروم
ملعقة ملح
2 حبة فلفل أخضر
ملعقة كبيرة كزبره
ملعقة صغيرة كمون
ملعقة صغيرة بابريكا
ملعقة صغيرة ثوم وبصل بودر
ملعقة صغيرة زنجبيل
ملعقة صغيرة زعتر
ملعقة صغيرة خل
1/2 ليمونة
ملعقة كبيرة صلصة
ملعقة صغيرة صويا صوص
2 ملعقة كبيرة زيت
ملعقة كبيرة سمن
قطعة فحمه
رشة كزبره خضرا مقطعة
الطريقة
هنتبل الفراخ بكل التوابل اللي ذكرتها ونتركها في الثلاجه لغايه مانجهز باقي المكونات
هنقلي البطاطس المكعبات في الزيت اول ما تأخذ لون نخرجها في صينية على النار هننزل بالسمن والزيت اول مايسخن هنزل الفراخ بالتتبيله ونقلبهم دقيقتين اول ما تبدأ تأخذ لون هنخرجها ونزل الثوم وبعده الفلفل والطماطم اول ما تبدأ تتسبك هننزل بالبطاطس،هنقلب كل المكونات وبعدين ننزل الفراخ هنقلبهم وننزل البصل ونقلبهم وهسخن قطعة الفحم ونزلها في الصينية ونزل عليها ملعقة زيت ونغطيها دقيقتين ونقدمها.
تابعونا على صفحتنا على الفيس بوك
