قصيدة “أنا وأنت” أنا وأنت
انا وانت ياليل مالناش غير بعض
بلجأ لك لما اهرب منهم
عايش بينهم
بسأل فينهم
مش لاقي الرد
الناس بتقرب
فأتعلق
فتعافر لاجل ما تخسرني
والله انا واحد دمرني
وكسرني وموت فيا حجات
انا قلبي زمان كان بيسيعهم
قلبي الان اهو مات
او جايز عيني اما تشوفهم
تحسِبهم زومبي من الاموات
والبنت اللي اديتها مشاعري
بادلتني مشاعر كدابة
من يومها وملكتني كئابه
وبقيت مدفون جدا فيها
هل يرضيها ؟
دي الوحده ك قبر بيحضني
بتمني الموت بس ناسيني
انا كنت بحبِك علي فكره
وبشوف بعنيكي كتير بكره
فاختارتي انك تبقي الذكري
ودموعي اختارت تواسيني
والصاحب فعلا كان ساحب
ولكنه بيسحب مني الروح
و ببات مدبوح
ف ياعم الليل انا ارجوك
لو تبقي زيي سفينة نوح
ده القلب عميق يعني بيشيل ف جراح
بكتبلك
و يجوز تسمعني
و يجوز هرتاح
كان ليا حبايب ف الدنيا
والموت اختارهم من دوني
وعتابي عليهم من عشمي
طب يحصل ايه لو يزروني
كان بينا حجات يعني وعِشره
ف بحق العِشره ما تنسوني
بكتبلك انك اوفي صديق
والروح بتضيق
والقلب غريق
في بحور الحزن
ده الحزن معشش جوايا
والحزن اساساً من لونك
وانا لوني طبع علي لونكو
فبقيت منكو
هل فعلا هو اللي ساكني؟
ام فعلا قلبي اللي ساكنكو
انا عارف انك للمجاريح
لكن عشمان تبقي دوايا
دوبتك جوا الكوبايه
وشربت وسميت بالشافي
ودعيته يكون بردَك دافي
ف أجاب المولي ل دُعايا
متشكر جدا
لكونك غيرت حياة واحد منهار
علي فكره انا اصبحت بشوفك
حتي وإن كُنت ف وقت نهار.
تابعونا على صفحتنا على الفيس بوك
