كتب حنان محمد
أنا العاشق
انا الواقع ف بير عشقك
ومش طالع
انا البارع
وكل مافيا بيصقف
عشان عاشق
جمال الضحكه من قلبك
وقلبي شايفها ف عيونك
انا قيسك ومجنونك
وانا بدونك مليش عنوان
ومستسلم شيطان قلبي
ومن حبك صبح انسان
انا السايب فرس قلبي
يطيرلك ف السما بجناح
ماهوش مكسور
ومش ناعم كما العصفور
ومن عشقك بكون اقوي
انا اتعلمت من حبك
اكون مغرور
انا اللي قدرت اكون شمسك
في ليل البرد
متسلط علي ضلوعك
وانا المكتوبلي اكون ضلك
واكون ملكك واكون طوعك
انا حسك
انا لمسك
ومن صوتك ومن حسك
بيخرج صوتي يتغني بجمال همسك
انا العايش سنين مجنونه
بتعبدحروف اسمك
انا رسمك
في كل قصيده بكتبها وبغنيها
وبتغزل معانيها
وكل حرفها تشجيني
بحبك زي ماانتي اكيد
ومش عايزك تبادليني
و يكفيني ان اكون نسمه
بترسم شوق علي جبينك
ومش طمعان تكوني النسمه لجبيني
ومهما تكوني انا قابل
مادمت بعيش
فماتحاوليش
في لحظة طيش ، تحبيني
انا المكتوب علي جناحي
ان انا العايش بقلب حنون
انا العاشق
ومن عاشق بقيت مجنون
انا ياحبيبتي لعيونك بعيش راهب
في معبد حبك الملعون
الشاعر محمود عباس
