كتب حنان محمد
مشتقالك وبجنون
سامعه صوتك فين مااكون
يام قلب وكان حنون
انتِ ضي للعيون
مشتقالك وبجنون
بكر ه قلبى يمد إيده
مانتِ كنت فى يوم وريده
يشحت البسمه اللى كانت
والحنان و بأى لون
مشتاقالك وبجنون
كل حاجه حلوه مُرّه
والأحزان طليقة حره
نفسى اشوفك بس مرَّه
وألقى صورتك في العيون
مشتاقالك وبجنون
قولى بعدك مين حيدعى
ولّا يطبطب حتى وجعى
ضمّه غاليه وضله صافيه
حضن وافى وشمس دافيه
عارفه طبعى بدون ظنون
مشتاقالك وبجنون
كل مطرح بيناديكى
كله حاجه روحها فيكى
يام سبحه كات تسبّح
شلتها ذكرى ايديكى
كل مافتكرك ياأمى
ألقى إيدك مادة عون
مشتاقالك وبجنون
كل حاجه في بيتنا حزنت
كل حاجه سليمه خربت
ياللى كنتِ سفينه لينا
وصلتنا للأمان
والسفينه أديها غرقت
يامّه عينى من بكاها
عينى دبلت فى الجفون
مشتاقالك وبجنون
كانت آخر خدمه ليكى
إنى غسلتك بايدى
الف رحمه ونور عليكى
انتِ ذكرى جوه منى
يامّه قلبك كان حنون
ليه ياأمى بعد هجرك
إن بيتنا صار سجون
مشتاقالك وبجنون
مشتقالك وبجنون
