كتب حنان محمد
قصيدة ستي قالتلي كده للشاعرة لمياء حلمي يوم العبور والفدا …. لما طردنا العدا والسعد يا مسعدة ………يوم ستة فى الشهرده …
ستى قالتلى كده
كان بيننا سد مخيف …. ووراه كمان بارليف …كسرنا خوفنا فى القلوب … ده هدفنا أصله شريف …. ورسمنا إسمك فى نن عيننا … من غير خداع ولا زيف …
والطير فى نصرك شدا .. يوم ستة فى الشهر ده …..
ستى قالتلى كده الخوف فى قلبك مات .. لما ناديت يا سادات …
وبحكمتك خليت .. كل البلد إخوات …
وكسرت رجل العدو .. لما علينا فات ..
كان نور إيماننا هدى .. يوم ستة فى الشهر ده … ستى قالتلى كده
بعد العذاب والضنا .. رجعتلنا سينا ..
بكفاحنا خدنا أرضنا .. ولا عمرنا نسينا ..
وعشان كده قلت أنا .. من كتر ما آسينا
يجعل صباحكم ندا .. يوم ستة فى الشهر ده .
