كتب حنان محمد
(ما غبتيش)
غبتى وماغبتيش
والثانيه فى بعدك
رافضه تعيش
والبعاد ناسج خيوط امل
قلبي فيه متعلق
الليل شطوط بحر
والسهر من عيونى ولا
رسيت مع السحب
واترميت في حضنك غريق
وارتضيت بحضنك طريق
نسيت ملامحى ونسيت اهلي
وفت قمحى وسبت سهلي
سنابلك علي الجبين تطرح
وتخضر جوه عيون بتحب
يكفيني من الدنيا مطرح
اعيشه في قلبك بكل حب
ولو تسالنى عن الشوق
راح افرض شراع مركبي لفوق
تبحر للقمر اللى فوق
وارمى شباكى
علي نجمة
بتعشقك من سنين
تشاء الحكمه
ويتفك عملك
وبتربط قلبي بالحنين
وافضل سندباد
ألف البلاد
واحكى عنك وعن عيونك
وافتح الودع
وادفع للى عنى يدلونك
وانقش علي كل رمله
حرف من اسمك
وأقول للروح امته
يهنالى المراد وتسكن جسمك
