اشتريني
بيعي حلقك واشتريني ….
يا اللي اسمك فوق جبيني
يا اللي روحك ساكنه روحي….
وشعرى ليكي طول سنيني
وريشتي حلفت ماتخط كلمة …
لو لغيرك ها تجافيني
دا شعرى ليكي سيل بيجرى …
يسقي ارضي ويدوب ف طينى
والطين في طوبي يبني بيت …
مكتوب عليه الحب ديني
وحيطانه عنبر وحبي اكبر…
وكل ما اكبر بيحتويني
انا مش هقولك الشوق قتلني…
لاكن بجمرك بالشوق كاويني
عطرك بشمه علي بعد ارضك…
ولسه حاسة ساكن يميني
اخر سلام مسح الكلام …
صامت حروفي امتي تجيني
حتي المخده علية عاده …
كام ليله بعدك النوم ناسيني
بحس وجعك وبحب دلعك …
وجوه جفنك منك داريني
اصلك ملاك وكمان هلاك ….
وليه ياغاليه بتعزبيني
بعدك خلاص امتي الخلاص ….
واحضن كفوفك امتي تليني
يارب عبدك وليك لوحدك ….
قربها مني وتشتريني
تابعونا على صفحة الفيس بوك.
