مش زيهم
إنتى مش زيهم
هما حاجة وإنتى كل حاجة
وإن كان نظرهم على قدهم
كفاية عيونى شايفاكى بزيادة.
ضحكتهم راسمنها بأعلى صوت
وإنتى بهدوئك وحكمتك
راسمة الكون كله فرحة
بأقل مجهود.
دا قلبى داعيلك
من قبل ما يشوفك
واستناكى بفارغ الصبر
والحبر اللى اتزين بحروفك
غار لما انكتب اسمك على السطر.
إنتى عارفة
إنتى عاملة زى إيه
زى شئ لسه متواجدش
زى نغم ساحر متعزفش
زى كلمة من القلب متقلتش
زى لحظة حلوة متعشتش
إنتى شئ فيه كل شئ
أعيش العمر أحبه
ومعرفش تفسيره
واترمى فى حضنه
ويغيره مايغيره.
دا القلب والله ارتاحله
ومن غير دق انفتحله
ومش ناوى ابدا تغييره.
تابعونا على صفحة الفيس بوك.
