بين الطور والفلق
حابب تعرف إيه الفرق…
بين الطور والفلق…؟
بُص لحالك وأنت شايفني
ولما تعرف عرفني.
دا اللي تَعبني ومعذبني
إنك فعلاً أجهل مني
وهذا الجهل اللي مخوفني
حابب تفضل كده خلّيك
أنا حبيت من قبليك.
عشت تمللي جوه مرايتي
ألاقي مرايتي بتألفني
ديل على طرطور
على سور مشهور
وما حدش يعرفني.
نط خيالي فجأه ف بالي
قال يحلالي تبقى سؤالي
إيه الفرق مابين الفاتح
والسكالي….؟
قلت عروستي………..
قال وانا مالي………..!!!
خلّي الطور جنب الفلق
يشيلوا بدالي هنا أحمالي
والخالي من همي
يضحك لو يقدر
وإن وصلت ضحكه لقلبه
يجي بسرعة ويسلفني.
ف بنك الحظ رصيدك كام…؟
وإلا الكام دي بتقرفني
بتشوفني الناس أرقام
والرقمي لا يمكن يشعرني
أو حتى يطبطب على كتفي
بيكتفني
ال مكيفني إني جاوبت
رغم إن أنت مابتسألش
ويفضل عندي بس سؤال
هو أنا خلفتك…
ولا أنت اللي مخلفني…؟
تابعونا على صفحة الفيس بوك.
