جوايا أمل
لسَّه فيه جوايا أمل
عايشه كون وفيه حياه
لسه فيه فى القلب نبض
شاف الحب قام ناداه
لسه ساكن جوا روحى
حب ماتعرف مداه
ريحة عطرك بينادينى
روح ونَفَس عيشاه
ياللي حبك يوم ميلادي
يوم ميلاد قلبى وهواه
سَكّنتنى قلعة غرامك
رميت ضفايرى لك نجاه
عمر الملح مايبقى سكر
دا السكر فوق الشفاه
تلج الشتا ازاى نخافه
والأشواق مدوباه
سجّل التاريخ لعنتر
بكره يسجلنا معاه
والسعادة هى لحظة
واللي فاتها عمره تاه
دا المكتوب مكتوب علينا
ليه بنستنى قضاه
اعرف ان الدنيا فانيه
مين يقول لدنيا آه
ومين بيعرف غيبنا ايه
غيره سبحانه الآله
شوف الحكمه من رسول
مات وثابته عصاه
مهما كان الكون مكمل
قُوم واتمشّى معاه
الضحكه فينا بتصحى بدري
والحزن نام والليل غطاه
ماتحبنيش بشكل عادي
حبني حب الحياة
أصل حبك نبض قلبى
نبض خاشع فى الصلاة
تابعونا على صفحتنا الفيس بك
