كتب حنان محمد
ولا له حق ف حروف الغنا والشعر
ولا موَّال يقوِّي الصبر
لكين مسموح له يعيش تاني
عشان مسكين
قضى عمره
وحلمه كان ف أسطوره وألف خيال
وعاش يحسب ف عمره سنين
لقاه متمزع الأوصال
مالوش ماسكه
يشيله منها ويحطه ف أمان على جنب
ودوَّر في دفاتره كتير
رصيده ف دفتر الأحباب
مايشتريلوش ولو جرنان
إذاعة مركبُه خرسا ف وش الريح
شراعه كل يوم يبات ندمان
ومحنة دفته كانت
ف حلم وحيد مع البوصلة
عشان يوصل لمقصوده
سنين وبيقرا ف العنوان ومافي وصول
وصبرُه مكمل المشوار
رفيق وياه عرض وطول
فواجب نفرد الأعذار له سكه معدوله
توصَّل عقله للآخر
بدل ما يتوه ف بحر جنون
كفايه العمر
شريط سيما بدون أبطال
وبيت مبني على حسب الأصول ماتقول
ومش مسكون
