كتب حنان محمد
الإيد الشقيانة
الحب فـ شرع الرجالة حرب وبطولات
بصي علي الأيد الشقيانة مش في الكافيهات
الحب عشان يبني علاقة فيه تضحيات
هتلاقي في ناس وخداه لبانة بكلام شعارات
وضعك وياهم كان خانة سد إحتياجات
علي إيه ندمانة وبتشاوري لحياتنا زمان
سبتي الرجالة وبتحبي فـ أنصاص وأرباع
فيه ناس ماتحسش إيه معاها غير بعد ماضاع
بشفق علي قلبك من جهله ونبضُه المتباع
بيدُق لناس عاشقين شكلُه من غير ما يشوفوا سبب حُزنُه
وكم الأوجاع
مكسب لتاريخك يوم كُنتي فترة فـ أيامي كمان شوفتي
راجل في وداع
هتقضي حياتك بتقابلي وشوش في الكافيهات
ولا واحد منهم هيكمل جايين فترات
الليلة انا قاعد بتأمل في هدؤ وثبات
وبشوفك وانتي بيرموكي لبعض مشاركات
