كتب حنان محمد
أحنا محتاجين نتحرر
أكل إيه إللى هندور عليه
أكل إيه إللى بتهادونا بيه
حتى مش عايزين ملابس
لبس إيه والهم كابس
إحنا محتاجين لواقفه
مش مهم على الصمود تدونا ساقفه
أو تقولوا كلمتين ما الدنيا عارفه
سيبكوا من كلام متكرر
إحنا محتاجين نتحرر
إحنا محتاجين دفاع
ياللى طبع الجبن فيكوا
انقذونا من الضياع
مسلمين بقلب صينى
إيدهم عالخدود ياعينى
يبكوا مره ويحكوا مره
وبإيه يفيدنا الكلام
لا الكلام هيفيد مآسى
ولو سنين نقعد نواسى
الحكايه عايزه حرب
تقوم بجد تفك كرب
أرض الكرامة بتصرخ
وبتقول فين ولادى
والأقصى ذنبه فى رقابنا
وبعلو صوته بينادى
ليه القلوب كده ميته
ليه العقول متشتته
إصحوا وفوقوا من المنام
الكل بره علينا لام
وإحنا هنا متكتفين
شايفين الظلم وساكتين
اتحركوا كفياكوا نوم
أطفال فى بحور دماء بتعوم
وجثث بشر بقت بالكوم
وقلوبنا مش متحمله فوقوا بقا
