كتب حنان محمد
التصريح
سمعت تصريح من وزير
فى الحكومه الاسرائيليه
طالع رسمى وبيهدد
باستخدام اسلحه نوويه
ع الشعب الأعزل في غزه
ودا تصريح احمق وخطير
وف منتهى الهمجيه
ولا فيه واحد رد عليه
م الاداره الامريكيه
ولا م الغرب الداعم ليه
وسابوه يقولو بحريه
ويكشف كل المتدارى
م النوايا العدوانية
فين دكاكين حقوق الإنسان
ولسانها اللى تمللى يدب
يتشدق باسم القوانين
ويزيط فى بلاد العربان
وف غيرها تلقاه مسكين
ولا يقدرش يطلع صوت
ومع بلاد الغرب يلين
لو طلع التصريح من عربى
كنا نشيل على راسنا الطين
انما لو على غزه دى سهله
ولا جميع ارض فلسطين
اللى دماها مستباحه
والناس شايفه ومش شايفين
واللى يشوف ياخد على راسو
ويصنفوه إرهابى خطير
انما يغضوا الطرف
عن تصريح هذا الوزير
اصل ده مش اى وزير
لانه وزير التراث
وتصريحاته وتلميحاته
فى التراث تلقالها أساس
وأساسها فى العرف اليهودى
اقتل واحرق كل الناس
واتوسع في الأرض براحتك
بحرى وقبلى وغرب وشرق
مايهمكش من اللى يعارضك
دول عالم يستاهلوا الحرق
مجلس الأمن الأمريكى
ويانا جاهز بالفيتو
واللى يجاحش ويانا
م الدول نخرب بيتو
نعمل له أزمات فى الأمن
وازمه ف رزو وزيتو
وازمه تخنق راس ماله
و ازمه في صناعته وغيطو
وازمه من حرب الاشاعات
وف بصلو وف كتاكيتو
يصرخ مايصرخ ح نسيبو
ماحد منا راح يغيتو
