كتب حنان محمد
مسكتني من رجلي اللي بتوجعني
الله الله الله، إيه اللي انا شايفه ده ، هات يا حمادة منديل امسح بيه النضارة .. ايوة كده .. يخربيت ابوك ، هو انت يا وحل البرك ؟!! وايه اللي انت عامله في نفسك ده .. اشكر لك يااااض،
بدلة وموبايل وسلسلة مفاتيح يا ابن ستيتة العامشة وكل ده في تسع شهور !!!! دا أنت لو كنت حامل فيهم مكنتش لحقت تخلفهم يا ابن المركوب
_ اهدى بالله عليك يا أستاذ انت نازل فيا بالجامد ليه كده هيا الكحكة في ايد اليتيم عجبة؟ دي حاجات لزوم وجاهة المنصب وعشان اعرف اقابل المسئولين واحل مشاكل الناس
_
يتيم !!! دول يتامي من كنت نقيبهم يا ابن ستيتة العامشة
ووجاحهة ايه اللي من جيوب الناس دي يااااض
ما داهيه لتكون بتفرض عليهم اتاوة وبتبيعهم لكلاب السكك
كل ده يا ااااض
،. وايه اللي مقعدك علي قهوة المثقفين يا أبو جهل ؟!!!! دا كان آخر مكان اتصور إني اشوفك علبه
اهو بالقط لي كلمتين لزوم الشغل تناسب المرحلة الجديدة
_ داهيه لتكون جاي تشقط لك عصفورة كمان تناسب المرحلة الجديدة
_ البركة فيك بقي يا أستاذ
_ هههههه طبعاً يا ابن المركوب منت فاكرني الاسكندر ذو القرنين، قوم قامت قيامتك
ليه بس كده يا أستاذ والله الناس كلها في النقابة مبسوطين مني وحتي أنا سيبت لهم التروسكل بتاعي يشغلوه وياخدو أجره
هو مين اللى بيصرف علي مين يا جربوع سيبت لهم التروسيكل وجابوا لك اوبل ولبسوك بدل وجابوا لك موبايل وبتشرب مارلبورو وأنت كان اخرك غرزة سامبو ومعسل الجحش ، شحاتة وع النوتة
وبعدين بقا يا أستاذ ، هو أنا حلاقيها منك ولا من ام حسن ، الخرزة الزرقا شكلها مش حتعمل حاجة ولا ايه
_ شكلك مبقيتش تبات في الشارع يااااض
أنا ببات في شقة النقابة دلوقت وإن شاء الله حيجيبوا لي شقة خاصة
_ وشقة ليه بقاا جاك شق بطنك، خليهم يجيبو لك فيلا ع النيل
_ طب ودي تيجي الزاي يا أستاذ
وحياة امك ، والله معدت تشوف مني افكار أبدأ خليك كده يا
جربوع
_ طب تعالي اوصلك بالعربية ونتفاهم في السكة
_ دا بعينك ، تفأفأ رجل الحر ولا يركب عربية الجربوع
_ طب آخر كلام يا أستاذ ، حجيب لك حتة ١٣٢ باور مفيش اختها
_ يا ابن المركوب ، مسكتني من رجلي اللي بتوجعني.
