كتب حنان محمد
لقاء مع عفريته عاهرة
قاطعتها فريدة بحده :
– حضرتك مش فتاة ليل حضرتك مجرمة ولازم تتحاكمى , بقول للكنترول يتتبع رقمك ويبلغ عنك البوليس حالا ,
كان سعيد يضع يده اليمنى على وجه فى تاثر ويخفى عيناه , قالت الفتاة ضاحكة :
– مش هتعرف تقفلوا السكة , لانى مديرة المحطة وانا الى بصرف على سعيد , هو الى بيشتغل عندى , وهو طبعا ميعرفش , وياما سال عنى ومعرفنيش , كل الى يعرفه بس , ان المحطة عايزه والمدير التنفيذى هو الى جابه , بس الحقيقة انا الى جبت سعيد المحطة و …
يقول بنهيار سعيد :
– انا اسف , اسف يا مى , اسف عن كل حاجة قولتهالك , سمحينى ارجوكى ,
تقول فريدة مصعوقة :
– انت الى عملت فيها كدة ؟. هو انت الراجل الى بتحكى عنه ؟.
– ساااااااااااااااااااااامحينى , ساااااااااااااامحينى مكنتش فى وعي , انا دورت عليكى فى كل مكان ملقتكيش , سامحينى يا مى ارجوكى , انا هسيب المهنة ,مهنة المذيع الجمهور عمره ما هيسماحنى , من بعد المكالمة دى , خلاص اتفضحت .
ياتى صوت الفتاة عبر الهاتف ساخط وساخر :
– انا مكملتش الحكاية لسة , اية مش عايزة تسمع الباقى ولا اية ؟.
يقول سعيد بنهيار :
– اقفل الخط يا مخرج ارجووووك .
– مش هيقف الخط مع الاسف , لو عملها هيمشى فوراً , كنت جيالك علشان انهى موضوعك , وطبعا كل الى عندك ميعرفوش انك متجوز فريدة عرفى فى السر الى قاعدة معاك دلوقتى ..
تقول فريدة بكل غضب وعصبية وتنزع السماعات من اذنها قائلة :
– انا ماشية , الى بيحصل دة مستحيل اسكت عنه تانى , انا مش بس هنفصل عنك يا مجرم , دة انا كمان هقاضى المحطة الزفت دى … مش انا الى بيحصل معايا كدة .
ويملاء صوت الفتاة الغرفة قائلة :
– وانا رايحة اخلص عليك ومعايا العدة , الى كنت هشق بيها صدرك وخرج قلبك منه , حصلى حادثة , والعربية غرقت فى النيل , ومعرفتش اطلع منها مع الاسف , فالضيفة الى كانت بتتصل بيكم عفريتة , مجرد عفريتة , مصرة على الانتقام .. والنهاردة اتميت انتقامى.
تنظر فريدة الى سعيد بذهول , لم يصدر ادنى صوت , تواجه فريدة , واسترخى بوجه وراحتين على المائدة التى تحمل الميكروفن , قالت :
– سعيد فوق , سعيد مالك ؟.
وقفت لتسرع بفتح الباب , قد رات شئ خلفه , خلف سعيد مباشرة , وجدت قلبه ينبض ومسجى ارضاً خلف قدمه اليمنى , وهنا صرخت كما لما تصرخ من قبل ….
وياتى المعدين والمخرج ويتجمعون حول جثة فى بفزع وخوف وعدم التصديق .
استمع الجميع الى صوتها الاخير الذى قال :
– وبكدة تكون نهاية البرنامج الى الابد .
