كتب حنان محمد
الاوضة الضلمة
جوة الضلمة حكايات
بصوت مكتوم
جوه الضلمة حاجات
بتخاف م النور
وانا لا فارس ولا ولاهان
أنا عايز اعيش إنسان
ولو طلبت يا دنيا جنان
ادينى حبة أمان
حاضن روحى
في ركن بعيد
ما بين زحمه
لكنى وحيد
ضحكت يا ما لنفسي
ضحكوا عليا وقولوا عبيط
املى تاه
جوه منى اكيد
مستنى بكره
لقيته بعيد
والبشر قاسي
وقلبه حديد
كل واحد جواه
اوضة ضلمه
كل واحده معاه
ناس ظالمه
الاوضة الضلمة مبتخوفش
قد قلوب سودا تخوف
والايد الماسكه مابطمنش
لو في نص السكة تلوش
وانا لا فارس ولا ولاهان
أنا عايز اعيش إنسان
ولو طلبت يا دنيا جنان
ادينى حبة أمان.
