كُنا زمان أحزان
على الأرغول
كُنا بنفتح بيبان
الصبر وننول
كان القمر بيطول
ضيّه إبتسامتنا
والشمس أدفى
من دمعة الفرحه….
كُنا عيون طرحه
ع المدى
غنوة العاشقين
مين أخترع فينا الوجع…؟
ومين أحتل شوكه…
وردة خدود الطيبين…؟
والكف دا كف مين…؟
ألفين سؤال ف الخيال
والرد دايماًيجيني
كلمه واحده….
بَعدين…….
والعمر أيه غير جواب
والحيره أصعب م العذاب
كُنا شِهاب
دلوقت منه محروقين….
تابعونا على صفحتنا الفيس بك
