ح اقول واطبل لبلادى
علشان مستقبل اولادى
واحميها من ارهاب دولى
غربان بتزعق وحدادى
ح اقول واطبل لبلادى
ويوماتى اطبل لها فى الجاى
وع الربابه ح اقول والناى
لانى فاكر مش نساى
اللى حصل لنا فى الماضى
ح اقول واطبل لبلادى
خراب فى ارضى الزراعيه
من الحيتان والحراميه
وحريق فى اقسام شرطيه
فى الدلتا حصلت والوادى
ح اقول واطبل لبلادى
قطعان طرق وف سكه حديد
وكل يوم دم وتهديد
على القوريب وع البعيد
م الناحيادى وم الناحيادى
ح اقول واطبل لبلادى
وحروب على جنودنا ف سينا
تفخيخ وتفجير أراضينا
شوفتوه وشوفناه بعينينا
فى ابتدائى واعدادى
ح اقول واطبل لبلادى
وعشان بلادى ح اكون طبال
واقول لها غنوه وموال
واللى يعارضنى ح يبقى شمال
وبالضلال جاى بينادى
ح اقول واطبل لبلادى
تابعونا علي صفحة الفيس بوك
