فى، حياتنا اكلات مميزة بتتميز ، بيها انها للفقير والغنى مثل الفول، والفلافل، والبصارة، والخ…..لو نفسك في فلافل بيتية مقرمشة من بره وطرية من جوه، يبقى جربي الوصفة دي
المكونات:
2 كوب حمص (منقوع 12 ساعة)
بصلة صغيرة مقطعة أرباع
10 جرام بقدونس مفروم
10 جرام كزبرة مفرومة
20 جرام توم مفروم
1/4 كوب مياه
1/2 معلقة صغيرة كزبرة مطحونة
1/2 معلقة صغيرة كمون
1/2 معلقة صغيرة ملح (أو حسب الرغبة)
رشة فلفل أسود (حسب الرغبة)
1/4 معلقة صغيرة بيكينج صودا
الطريقة:
نقع الحمص: بعد نقع الحمص لمدة 12 ساعة، نصفيه كويس ونحطه في بولة كبيرة.
مزج المكونات: نضيف البصل، البقدونس، الكزبرة، والتوم للحمص. نستخدم الكبة أو ماكينة اللحمة لطحن الخليط كويس جدًا.
تحسين القوام: بنطحن الخليط مرة كمان لحد ما يبقى ناعم تمامًا وسهل في التشكيل.
تحضير التتبيلة: نضيف ربع كوب مياه، الكزبرة، الكمون، الملح، الفلفل الأسود، والبيكينج صودا للخليط ونقلبه كويس لحد ما كل حاجة تبقى متجانسة.
تشكيل الفلافل: باستخدام قالب الفلافل، نشكل كرات أو أقراص الفلافل ونبدأ نحمرها في زيت ساخن على نار متوسطة لحد ما تاخد لون دهبي جميل وتبقى مقرمشة.
نصائح لنجاح الفلافل:
تأكدي إن الحمص منقوع كويس عشان يمسك معاكي في التشكيل.
استخدمي مية ساقعة عشان الخليط يفضل متماسك.
متحطيش كميات كبيرة من الفلافل في الزيت عشان تتقلى بالتساوي.
التقديم:
قدمي الفلافل مع عيش بلدي، خيار، طماطم، خس، وصوص طحينة أو توم. ولا تنسي تعملي سندوتش وتستمتعي!
تابعونا على صفحتنا على الفيس بوك
