رمضان
تعالى وقوللى يارمضان
ولما تقول لازم اسمع
وماتفكرش انى جعان
دا لما بااشوفك بااشبع
واسمع دعوه فى التراويح
معاها قلبى يتمتع
بنور هادى ونورانى
يخش ف قلبى ويربع
وقبل الفجر بشويه
شاويشنا يدلع المدفع
وصوت رفعت مع المغرب
ملايكه معاه بتتجمع
وع الطاعات بتجمعنا
وتاخد مننا الدعوات
وبيها للسما تطلع
دى فرصه عظيمه ياصايم
فى أرض الخير تعالى ازرع
ح تزرع خير ح تحصد خير
فى رزقك ربنا يوسع
وتلقى نخلتك طارحه
ومنها كل يوم تجمع
تابعونا علي صفحة الفيس بوك
