أنا مش ناسيك
دي رسالة ليك..
انا مش ناسيك..
وازاي راح اقدر وانت أصل الفضفضة..
والباقي مبني بروح ايديك!
يمكن رحلت لكن مقيم.. في دربنا
وازاي رحلت!
امال دة مين في قلبنا؟
انت اللي حُلت* مابين عقولنا وفكرنا وسموم زُعاف
وانت اللي خاف نفقد طريقنا بنفسنا..
انت الطبيب..
ماهقولش كُنت..
لا يأست من ضخ العلاج
ولا انهاونت..
سبب الصلابة فـ عود رعيل
كان سهل جدا
يستحيل أشباح..
مسوخ..
وقرود بديل..
وانت السبب.. يطلع أصيل
فاحنا الدليل..
انك حفرت فـ صخر صلد
وامّا رحلت انت ومشت..
فضل الأثر كرسالة ليك
انا مش ناسيك
ذكرى_العراب
باسم_عطوة
* حُلت: منعت
تابعونا على صفحتنا الفيس بك
